БУДАГГҮЙ ЗУРААЧИЙН ӨЧИЛ

Эрт балрын сэрэхүйд
Утаан тахил өргөн,
Онгод дуудаж,
Хүч нэмэхийг гуйн
Хохимой толгойтын зүрхээр
Барьцаа болгон,
Өгүүлрүүн;

Жинлvvр

Яалт ч үгүй чи жинлүүрийн орд юм аа. 

Юу хийвэл чамд таалагдахыг мэдэхгүй юм. Заримдаа чамд таалагддаг зүйлс хэсэг хугацааны дараа үзэн яддаг зүйл чинь болдог байж магадгүй. Үгүй ээ, би юу ч хийсэн чамд таалагдахгүй байгаа юм шиг санагдаад байна. Чи ч надад хайртай, магадгүй яг зэрэгцээд үзэн яддаг ч байж магадгүй. Гэхдээ л чиний надад хайртайг чинь мэдээд байна. Би ч гэсэн их эргэлздэг. Өмнө нь ч тэр, одоо ч тэр. Би өөрийгөө тэнэг гэж бодохгүй байгаа ч өөрийгөө ерөөсөө ойлгодоггүйг хүлээн зөвшөөрөх хэрэгтэй. Цаг хугацааг буцаах гэж мөрөөддөг хэдий ч ЯГ ОДОО тийм бодол төрөхгүй байгаадаа гайхаж байна. Гэвч, ЯГ ОДОО миний зүрхэн дотор зөвхөн чи байгааг мэдэж байна. 

Зүүдэндээ хүртэл би чамайг бодоод байна. Өөрийн мэдэлгүй. Бодол хүнээс төрдөг юм болов уу? эсвэл хаа нэгтэйгээс ирдэг юм болов уу? Тийм бол бодол үүсдэг, бодол ирдэг тэр газар луу явах юмсан. Бодол хэт бага байснаас хэт их байсан нь дээр юм. Тийм газарт оччих юм бол өөрийгөө өөрт хамаагүй баахан бодлоор дүүргэхсэн. 

Чи намайг өөртөө хайргүй гэж боддог. Тэгвэл яг одоо миний нүдийг чийгтүүлж байгаа энэ зүйл юу юм? 

Чи намайг сайн сайхан явааг харахыг хүсэх байсан байх. Чи ийм л сайн хүн. Бас хичнээн үзэн яддаг ч гэсэн надад халамж тавьсаар л байдаг. Би чиний хүссэн шиг жаргалтай, мөн сайн хүн байх гэж хичээсэн боловч чадахгүй юм байна өө. Тархи минь бодож чадахгүй, зүрх минь хатгуулж, амьсгалаа гүйцэд авч чадахгүй байхад би яаж чадах юм бэ? 

Гэхдээ би хичээнэ ээ, би чиний мөрөөдлийг биелүүлнэ гэдгээ амлаж байна. 

Бас энэ бичвэрийг дуусгамааргүй байна. Хэрэв тэгэх юм бол бүх зүйл ингээд л дуусчих юм шиг санагдаж байна. Надад аймар байна. 

Би эсвэл бүх зүйлийг өөрийнхөөрөө байлгах гэж зүтгэсэн амиа бодсон этгээд юм болов уу? Бид хоёр өмнө нь зөндөө удаа энэ талаар ярилцаж байсан л байх. Гэхдээ чи ойлгодоггүй ш дээ. Чи ч гэсэн над шиг зөрүүд дандаа өөрийнхөөрөө зүтгэдэг. Жинлүүрийн ордныхон хэзээ ч шийдвэртээ бат байдаггүй юм. Чи хичнээн мэтгэлээ ч энэ бол үнэн. Зүгээр л чи зөрүүд зангаа шийдвэртээ үнэнч байна гээд бодчихож. Ёоё за больё. Дахиад л эхлэх нь. 

Яалт ч үгүй чи жинлүүрийн орд.

Өвлийн гудам

Довтлон үлээх Ширүүн салхины Амьсгал бус

Доош харсан ч Ширвээд өнгөрөх Хүмүүсийн царай

Хүйтэн байна...

"Гудамжинд суух өнчин хүүгийн тэмдэглэл"

Б.Х

Өлсгөлөн буюу GOD IS DEAD

Зүрх
Үхэж байна...
Оройн хоолонд хэрэглэх
Сайхан амттан...
Хар перец цацчихъя
Гашуун амтыг нь
Дарж магад...
Сэтгэл хаачлаа?
Оройн зоог
Хамт барих
Ёстойсон...
Хайр...
Хөөрхөн хүүхний
Хөлөнд наалдаад
Тоос болчихсон
Замхарчихсан...

Чи хаана байна?
Хаана байна?
Хоёр хоногийн өмнө
Цусаараа
Махаараа
Дайлаад байсан гуйлгачин
Аваад явчихаж...
Хүлээсээр л...
Даанч тэр
Цовдлуулчихсан.

By Хатантөмөр Б.